النعم والتعود - مقال كلاود
 إدعم  المنصة   
makalcloud
تسجيل الدخول

النعم والتعود

ايه العلاقة!!!!!!

  نشر في 21 يناير 2019  وآخر تعديل بتاريخ 22 يناير 2019 .

انا عارف احساسك وانت بتقرأ وبتقول (ايه العلاقة) .....ايه علاقة التعود بالنعم وممكن تفتكرنى كاتب المقال ده كده على الفاضى.

.......لا يا بابا (بنبرة تخويف) لا .....مش انا ..... اللى اكتب حاجة ومش فاهمها (وطبعا ده لا ينطبق على الامتحانات)........انا هفهمك .... اصبر .......صبرت (اضحك بقى ....)

انا حتى فترة كبيرة جداااا -حوالى من خمس دقايق - كنت فاكر ان النعم ليس لها اى علاقة خالص بالتعود والعكس صحيح .....اى هما وجهان لعملة واحدة

خلينا فى الجد .......ممكن نتصور ان النعم دى عطايا من الله انعم بيها على الانسان بغض النظر عن حالته الاجتماعية او الدينية او الملوخية .......ربنا بينع على الكل ....الكل عند ربنا سواسية .......طب حضرتك فين العلاقة !!!!!!!!!!!

انا هقولك فين العلاقة .......المشكلة وكل ما فيها ان الانسان لما بيتعود على حاجة معينة سواء كانت حاجة حلوة او وحشة ....لما بيتعود عليهابيفقد حلاوتها وكأنه ميت عندما يتعامل معها باى شكل من الاشكال ........  خلاص هو معندوش مانع انه يفضل منبوذ لانه خلاص اتعود عليها ....... وبرضو فى اى حاجة حلوة مثلا من كتر ان الست الوالدة بتخاف عليه من دون مبرر لانها امه (دى نعمة عظيمة ) خلاص مش حاسس بنعمة امه فى حياته لدرجة انه ممكن يتمنى ان امه تخف عليه شوية .......

النعم زى اى حاجة تانية لما بنتعود على وجودها معانا بنفقد لذتها وقيمتها حتى لو هى قيمتها لا تقدر بثمن........

طبعا ممكن تقول اللى جى ( ايوه يا عم ..........(شتيمة) انا لحد دلوقتى مش شايف المشكلة )

هى دى بقى المشكلة !!!!!!!!!!!!!!!!!!!!!!!!!

 المشكلة الاساسية ان حضرتك مش شايف المشكلة ومش حاسس بالمشكلة .....زى بالظبط اننا مش بنحس بالنعم الا عند غيابها علشان كده ويل سميث قال ( لا نحس بالنعم لاننا نعتقد اننا لن نفقد النعم)

بص حضرتك ....... احيانا عندما نتجاهل نعمة تصبح نقمة ........ بلاش فكرة انا علشان احس بالنعمة لازم تكون كبيرة  ............هقولك تانى ابسط مثال على نعم الله على الانسان (غمض عينيك)

جميل ولا لا ......... مقتنع ولا ايه ؟؟؟؟؟؟؟؟؟؟

دلوقتى جاءت ساعة التجربة ......ان ان ان ان( بصوت تشويقى )

بص يا استاذى .....انت كل اللى هتعمله انك هتشغل حاجة ليها رائحة .......( بس متبقاش ذكى وتشغل الغاز ) 

شم اول دقيقة ( هتلاقى نفسك بتشم بنسبة 100 فى المية وبعد خمس دقايق خد شمة كمان هتلاقى نفسك نسبة شم الرائحة لا تتعدى 67 فى المية وبعدها شم بربع ساعة او اكتر هتلاقى نفسك مفيش اى ريحة غريبة انك اتعود عليها ........ وهو ده حالنا مع النعم بالظبط .........)

وعلشان تحس بالرائحة لازم تخرج خارج مكان الرائحة وهو ده اللى ربنا اللى بيعمله معانا لما بيشوفنا غير مقدرين النعم .....بيأخده مننا ........ممكن يرجعها وممكن لا ( وده الغالب ) 

علشان كده لو عايز تعرف قيمة النعم اللى فى حياتك اسأل حد لا يمتلك الشئ ( بس خلى بالك وانت يتسأل ) .........ولو عايز تعرف قيمتها اوى اسأل حد كان بيمتلك الشئ وربنا اخذه منه ...... 


#اخر -قطرة -كلام 

النعمة نعمة لو حاسس بيها والنعمة نقمة لو مش حاسس بيها فخلى عندك شوية احمر 



  • 1

  • El mon
    انا واحد مجنون بالادب سواء كتابة او قراءة ...... القراءة دينى اتمنى ان تعجبكم مقالاتى
   نشر في 21 يناير 2019  وآخر تعديل بتاريخ 22 يناير 2019 .

التعليقات

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم













عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا