ايش اللي جابك هنا ؟ - مقال كلاود
 إدعم  المنصة   
makalcloud
تسجيل الدخول

ايش اللي جابك هنا ؟

ايش اللي جابك هنا ؟!

  نشر في 02 نونبر 2016 .


قبل ١٥ سنه كنت في خميس مشيط رايح اتمشى في ربوع بلادي بالسياره ... وقفني شرطي نقطة تفتيش وطلب الرخصه .. طالعها شوي ... طالع يسار وقاللي انت من الشرقيه ؟ قلت نعم .. قال : ايش اللي جابك هنا ؟!

قبل عشر سنين في الرياض كنت في محل كوفي شوب انترنت في الرياض بالليل ...سالني صاحب المحل الولد الشباب انت من الشرقيه ؟ قلت نعم ... قاللي : ايش اللي جابك هنا ؟!

قبل ١٣ سنه في ماليزيا كوالالمبور سألني عراقي صاحب مطعم في اسفل الفندق حقي ... قاللي انت من وين ؟ قلت من السعوديه .. قاللي من جده ؟ قلت لا من الدمام ... قاللي ايش اللي جابك هنا ؟

بعدها بكم سنه رحت نيوزيلندا اوكلاند سالني صاحب النزل اللي كنت ساكن فيه وهو من اقلية ال " موري " السكان الاصليين السمر ، انت من وين ؟ قلت من السعوديه ... قاللي ايش اللي جابك هنا ؟!

السنه الماضيه في البديع في البحرين كان فيه معرض للنياق في الجزيره العربيه .. سألني بحريني شاب شافني اركب الناقه بسرعة فارس .. انت من وين ؟ قلت من الدمام ... قاللي : ايش اللي جابك هنا ؟!

امس بالليل فتحت باب حمام الصاله عندي في البيت بسرعه لقيت ولدي مازن ابو خمس سنين .. استحى وضحك وقاللي بابا : ايش اللي جابك هنا ؟!

في عملي اليوم الصباح دخلت غرفة احد زملائي في العمل ، ممن اطلبه مبلغ من المال منذ اكثر من ثلاثة اشهر مع تكرار وعده لي بالسداد ، لاستطلع معاملة أحد المرضى ، دخل علي بعدها زميلي ليتفاجأ بوجودي في غرفته ، اكفهر محياه شزر مزر وقال لي : د مراد انت ايش اللي جابك هنا ؟!

فجأه من عشر دقايق دق علي تلفون فلان الفلاني موظف لدينا في المتابعه ... كنت متخوف يطلب مني تحقيق عن أيام قد غبتها بلا عذر طبي ... رفعت السماعه قلت انت فلان ؟ قاللي نعم , قلت من المتابعه ؟ قاللي نعم ، قلت ايش اللي جابك هنا ؟ قاللي نعم نعم !!

د مراد العشبان

١-٢-١٤٣٨ هجري

الدمام / السعوديه



   نشر في 02 نونبر 2016 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا