اختر الرفيق قبل الطريق - مقال كلاود
 إدعم  المنصة   
makalcloud
تسجيل الدخول

اختر الرفيق قبل الطريق

  نشر في 13 شتنبر 2018 .


في حياتنا هنقابل ناس كتير منهم اللي هيمر عليك مرور الكرام ومنهم اللي هيسيب ذكري أو بصمة أو حكاية في #موقف_لا_ينسي.

كنت راجعة من مدينة مجاورة وأول ما دخلت القطار🚈 كان زحمة شوية، اضطريت أقعد في وش رجل👨 أربعيني مش ألماني شكله روسي أو بولندي شئ من هذا القبيل 😁.

في البداية لاحظت انه بيبص لي كتير، خرجت الموبايل📱 وقلت اسمع🎧 شوية لأن اليوم كان طويل وكنت أتمني أفصل😌 لكن إذاي😁؟

لقيته خرج ورقة من شنطة💼 كانت علي رجله وقرب عليا، خلعت السماعة وقلت له في حاجة؟؟ قال لي عاوز اسألك سؤال قلت له: اتفضل، قال لي: أنا مسافر لمدينة Gelsenkirchen هو أنا كده ركبت القطار الصح مش كده؟

أخدت منه التذكرة وبصيت فيها وقلت له: آه تمام صح.

هو: شكرا... أنا: عفوا...

شوية ولقيته بيقول لي ممكن أسألك سؤال؟

قلت له: اتفضل، قال لي: هو امتي المفروض أنزل من القطار؟

قلت له: المحطة دي توصلها بعد ٢٨ دقيقة ولما نوصل أنا هنبهك، قال لي: اوك شكرا... أنا: عفوا..

الرجل👨 ده سألني عن المحطة🚉 وميعاد الوصول بدون مبالغة حوالي ٧ مرات. انا خلعت السماعات🎧 ودخلت الموبايل الشنطة وقلت أتفرغ له أحسن بقي عشان كده كتير ده اسمه تعب اعصاب...

انا حقيقي متعودة علي التوتر في مشاوير عامتا بس لاحظت انه مش مستقر وأعصابه مشدودة، بيسأل كتير ويعيد نفس السؤال ومش هادي خالص. قلت له: حاول تهدأ لو سمحت!

قال لي: انا وثقت فيكي...

انا بجد اتخضيت 😳

تثق فيا؟ أنا؟ اشمعنا؟ وليه؟ ده القطار هيتقلبعلي جنبه من كتر الناس اللي فيه !!!!

عرفت إنه أول مرة يركب قطار🚈 من فترة طويلة جدا جدا وان عنده مشاكل وهينقل للمدينة اللي سألني عنها وانه أول مرة ينزلها أصلا.

وهو بيتكلم لقيته خرج علبة سجاير وولاعة🤨😮😮... اللي يعرفني يعرف كويس اني بقرف😝 من السجاير مش بس مش بكرهها، عشان كده قلت له: ممنوع التدخين🚫 احنا في قطار، قال لي: انا مش هدخن، قلت له: طيب حاطط السيجارة في بقك ليه؟ الرجل استغرب😮 وشدها ورجعها تاني في العلبة ثم في الشنطة؟

المسكين بيعمل حاجة غلط جدا وهو مش واخد باله ومش مركز بس متوتر.

انا شاورت له علي علامة ممنوع التدخين🚫 اللي هو أكيد حافظها وأكيد عارف انه هنا ممنوع التدخين🚫، فضل يتكلم وأنا اسمعه فضل يحكي وأنا أتفاجئ فضل يسأل وأنا أجاوبه

كان مهم عندي أوي يتطمن ويهدي لحد ما نوصل محطته🚉 وقد كان، ووصلنا وشكرني ونزل من القطار🚄 وهو متطمن وسلم عليا🤝 وفضل واقف لحد ما اتحرك القطار.

" اختر الرفيق قبل الطريق "

⬅️ وانت👉 تعبان😔 نفسيا ومتوتر 😖وغير مستقر ☹عاطفيا، أكيد هتغلط...

⬅️ وانت بتفكر 😰كتير ومشتت، أكيد هتغلط...

⬅️ وانت بتدخل مرحلة جديدة مش عارف لسه ملامحها، أكيد هتغلط...

في الأوقات الصعبة دي تركيزك مش معاك ومخك ممكن يخونك... تفكيرك يضيعك... وحدتك تضعفك ...فتغلط😑

الرجل ده ☝️حط ثقته في واحدة مش عارفها، هو بيتصرف صح وأخد القطار الصح يعني هو already ع الطريق الصحيح بس الأهم من الطريق هو الرفيق اللي يأكد لك انك صح ويساعدك تكمل. الرفيق ده مش مهمته يسمع معاك اغنية ولا يقزقز لب وسوداني؛ رفيق الدرب هو:

✔ اللي بيشاور لك ع النهاية ويخللي عيونك تشوفها قريبة فتقدر تكمل...

✔ اللي يشد علي إيدك ويأكد لك انك هتوصل لهدفك...

✔ اللي بيزود ثقتك في نفسك...

✔ اللي بيشغلك ويتابعك عشان مش تزهق وتستسلم...

✔ اللي عينه علي طريقك ومنتظر معاك توصل بأمان ...

✔ اللي إيده علي إيدك وقلبه عليك وبيوصلك فكرة انك حد كويس..

✔اللي مش بيسيبك تمشي الطريق لوحدك وبيونسك بكلامه ... بأفكاره... بنصايحه.... بحبه...

✔ اللي بيسامحك.

يمكن تقرر👍 تاخد خطوة جادة وتمشي طريق وتبدأ بس كونك لوحدك دي حاجة في حد ذاتها عثرة، وممكن جدا يكون معاك الرفيق الغلط يعني ببساطة رب رفيق عن طريق الحق ناهيك مش بيساعدك تكمل في الطريق الصح وبيخلليك تحيد عنه، عشان هو عاوزك تغلط... عشان هو الغلط بالنسبة له صح... عشان هو هدفه غير هدفك... عشان طريقه اصلا مش طريقك ، بس انت👉 اللي مصمم عليه ومش عارف تتخلص منه وتمسك بإيد الرفيق الصح، وده ضعف شخصية من #وجهة_نظري.

وانت بتفكر وتقرر أوعي تنسي رفيق الدرب لأن مش أي طريق ممكن لوحدك تمشيه ومش أي حد ينفع يمشي طريقك...

نصيحتي " اختر الرفيق قبل الطريق" ده رب رفيق عن طريق الحق ناهيك.

#amira_ibrahim_neues_leben



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 13 شتنبر 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا