وحشتينى - مقال كلاود
 إدعم  المنصة   
makalcloud
تسجيل الدخول

وحشتينى

  نشر في 03 يونيو 2020 .

وحشتينى ..

وحشنى شمسك الساطعة

وطول ليلك معاه دمعة

وف الغربة .. أناديكى

أنا ليكى ..وحتى إن كنتى مش عايزة

أنا بيكى ..

ومن غيرك يكون ليا

يا ضحكة جوة أغنية

وأغنيكى ..

يا دمعة حايرة ف عنيا

وببكيكى ..

على قد الحنين فيا .. أنا أفديكى


وحشتينى ..

وأشواقى سلاح مسنون من الحدين

أنا تايه .. أروح على فين ؟

ولما أرجع من التوهه

ألاقينى بعاود ليكى من تانى

يا فرحى جوة أحزانى

وحشتينى ..

ونبرة صوتك الحلوة

تنادينى ..

وروح تنده على روحى

وتحينى .. وحشتينى


وحشنى لسانك المبرد

وحشنى ف يوم تناكفينى

وأقول أعقل يا واد وإجمد

ألاقى ترد شراينى

ليكى إشتاقت تناهدينى

وحشتينى ..


وحشنى أشرب معاكى الشاى

وتستنينى .. أقول مش جاى

وأقوم أجرى عشان ألحق

لدنيا جديدة تاخدينى

وحشتينى ..


وحشنى أبص ف عيونك

ونغمة حتى تليفونك

وعطرك لما كان بيفوح

يداوى فيا كل جروح

ويشفينى .. وحشتينى


ورغم البعد بينا بلاد

ملامحك لسه محفورة

ملاك نايم وكله عناد

وده أجمل مافى الصورة

ملاك بيقول مابينا معاد

ويجى ف يوم ونتقابل

وأرد عليه أنا صابر ..

برغم إنك .. ومش قادر

وحشتينى ..



  • عمار محمد
    أكتب الشعر بالعامية المصرية وأحب الأدب والفنون الراقية والقراءة .. أعمل فى مجال السياحة
   نشر في 03 يونيو 2020 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا