موقف لا ينسي - مقال كلاود
 إدعم  المنصة   
makalcloud
تسجيل الدخول

موقف لا ينسي

مش وقت قهوة

  نشر في 22 غشت 2018 .


#موقف_لا_ينسي كنت في محطة القطار 🚉وكان فاضل ٦ دقايق علي ما قطاري🚆 يتحرك ، طبعا رحت اشتريت قهوة☕ ودي كانت اول مرة اندم فيها إني عملت كده.

وانا بتجه للسلم المتحرك كان قبلي في رجل عجوز 👴وأدامه ست 🙎‍♀️يمكن في أواخر الأربعينات وفي ايدها شنطة سفر💼 متوسطة الحجم وقهوة ☕

أول سلمة حطيت رجلي عليها ولسه ببص أدامي لقيت الرجل العجوز بيقول: oh oh oh 😮 والست 🙎‍♀️بترجع لورا والشنطة بتتزحلق😮😮😮

الرجل اتحرك ناحيتها وحاول يسندها بس تقلت عليه😯 وبدأ هو كمان يرجع لورا والشنطة بتضغط ع الاتنين...

😮انا بقي!!!

⬅️ طلعت سلمتين بسرعة،

⬅️ بإيد مسكت دراع العجوز وحطيتها علي السير يمسك فيه،

⬅️ ايدي الشمال كانت فيها القهوة☕ ( آل يعني كان وقت قهوة) 😁 فسندت الست بكتفي والهانم ريحت فعلا عليا وثبتت مش بتتراجع، بس القهوة كانت بتنقط علي ايدها ولسعتها،

⬅️بإيدي اليمين أخدت الشنطة💼 وعديت من بينهم هما الإثنين وطلعت علي نفس السلمة اللي عليها الشنطة وكملت بها لفوق 🔝وحطيتها علي جنب.

الإثنين🙎‍♀️👴 وصلوا مذهولين😮 من الموقف اللي حصل في ٤ أو ٥ ثواني وإذاي كان ممكن نتايجه تكون عليهم صعبة جدا وخاصة أن الألمان بيخافوا علي نفسهم اوي.

العجوز 👴كان مستاء 😒من الست وشاكر لربه🙏 إنها جت علي أد كده ومشي من غير ولا كلمة🤐 وطبعا أنا قدرت موقفه، الست🙎‍♀️ كانت مضطربة جدا وكان الموقف بالنسبة لها مأساوي، شكرتني🤝 ومشيت.

انت في حياتك ممكن تكون بتكمل وتواصل بس في حمل بيضغط😣 عليك وممكن مش بس يرجعك لورا🔙 ده ممكن يأذيك ويضرك ويضر غيرك🆘️ كمان...

في الموقف ده إيه سبب المأساة؟ 🤔🤔🤔

⛔مش السلم المتحرك...

⛔ مش عدم ثبات الست🙎‍♀️ وهي معاها شنطة سفر وقهوة...

⛔ مش ان وراها عجوز👴 مش قدر يسندها؛

✔ المأساة كانت الحمل اللي هي بتجره ومش قادرة عليه😖 ومكملة به، الشنطة 💼كانت تقيلة ذي الحجر.

التقل ده في حياة كل واحد فينا وبيأخره وبيتعبه وممكن يوقعه علي ضهره في يوم ويأذيه، يمكن مش سهل تتخلص منه لكن من الصعب تكون عاقل ومدرك انه شئ سلبي في حياتك وبرضو مكمل به.

يمكن تحاول تلهي نفسك وتقول نصيبي أو قدري...

يمكن تصبر نفسك بفنجان قهوة☕ ذيها يساعدك تركز...

يمكن تتواكل وتنتظر مساعدة خارجية...

يمكن حاجات كتير كلها مش مجدية ولا هتشيل معاك.

في #وجهة_نظري المتواضعة التخلص من الحمل أفضل كتير من انك تتخلص واحدة واحدة من سعادتك... صبرك... قوة تحملك... بسمتك... فرصة تسعدك... فرحتك... والأسوأ انك تتخلص من نفسك وتشوه ملامحك!

✔ استغني عن كل شئ بيحول بينك وبين فرحتك،

✔ استغني عن حمل متقلك وتاعبك،

✔ إدي فرصة لحاجة أو لحد ييجي ينور حياتك من جديد، ويشاور لك علي الألماس اللي جواك واللي غطاه تراب الأيام وصبر السنين،

حياتك هتكون أفضل وطريقك أسهل ومشوارك أروع، وهتعرف تستمتع بالقهوة 😁

#amira_ibrahim_neues_leben



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 22 غشت 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا