ولسه موش لاقيه كلام يعبر - مقال كلاود
 إدعم  المنصة   
makalcloud
تسجيل الدخول

ولسه موش لاقيه كلام يعبر

عن انتيمى ف الوظيفة حاولت اكتب

  نشر في 20 شتنبر 2015 .

ف مواقف بكتب فيها بصعوبة وغالبا بتاخد منى وقت كتير

ع الاغلب اللى بتاثر بيها قوى وده واحد منها

       موش عارفة فعلا ابدا منين

من يوم الفرح احضاننا ودموعنا (قصدى دموعها دموعى تحجرت لحد انها تعبتنى كعادتى لما اتنح من الموقف)

يومها اللى كان مصبرنى بس فرحتها هى وعريسها واهلهم وحبايبهم كانت (فرحتها)اول انفراجة بالنسبالى ف سنة بدأت ومصممة تكمل بيا ف ظروف صعبة

اول شخص اتكعبلت فيه ف الشغل

اول حد ادانى نصيحة ف الشغل برضه ومين غير ماتعرفنى كويس

اول شخص استبشرت فيه خير ف الوظيفة المقندلة دى ومن اول نظرة واتمنيت انى اقرب منه

واعرفه اكتر

وزيرى ف العمل

صحبتى زهرة

قبل ما نشتغل مع بعض كنت حلمت حلم كان غريب وقتهابالنسبالى انى هاقابل ناس هيودونى ويهونو عليا

وفعلا ده اللى حصل

من اول مرة دخلت فيها المكتبة عجبتنى (المكتبة طبعا)كان واضح انه فيها المجهود اللى عرفت بعدين انه مجهود زهرة

هى بقى ولا ابالغ ان قلت تشوفها ملكة المكان

وهى قاعدة عالارض بترتب ملكة وهى ماسكة قماشة بتمسح التراب ملكة وهى موش باية من وسط الطلبة اللى متجمعين حوليها بحب ملكة

فكل موقف يخص المكتبة هى ملكة المكان

وهى مكفية ع التصنيف

وهى بتحارب بحماس شديد لحد العصبية عشان تطور ف المكتبة

حتى وهى لابسة شلبية وقافلة عليها الباب عشان بتنضف المكتبة

الملكة الام زى النحلة بالظبط كتيرة الحركة وفيرة الانتاج

حتى وسط زمايلها

      (يامرارك يازهره)

جملتها المعتاده فعلا كل مشكلة هى مشكلتها كل مرار لزميلة هو مرارها

بالرغم من كل الشغل اللى ف المكتبة الا انها بتسال ع الكل وتتالم للكل

ومستعدة لتوصيل النصايح للمنازل(اللى بالمناسبة موش كلها بتكون تناسب الموقف )لكن هى دى زهرة مايهونش عليها تشوف حد ف ضيقة وتسكت واذا ماعندهاش نصيحة هتحاول تهون عليك بالكلام الحنين وتقلك( توكل على ربنا وسيدنا النبى)

لكن القلب الكبير اللى يساع كتير ده كان له مشاكله هو كمان بس بياخدها ف نفسه زهره بتحب تعاتب اللى مضايقها موش بوشين

لكن تعبها بتخبيه(لكن على مين ولا مؤاخذة)وا لماتبدا تظهر شيكولاته مندولين كتير ف ايدها وتقول كلام وتنساه والتوهان يزيد يبقى ف حاجة(اعراض حفظتها على زهرةبالعشرةوالمحبة)

     احذرها لما تبدا تتكلم لانه بيكون فاض بيها

زهره قوية قدام الناس لكن هى انسانة ولها قلب حنون جدا وبيحس جدا واستاذة ف قراية العلامات الى موش عارفة بيسموها ايه بتوع التنمية البشرية اظن body language وبتقرا الناس باحساسها (برضه زى الملكات)

ليا ساعة بهرى موش عارفة اتكلم برضه عن علاقتنا ببعض او عن الثلاثى المرح بتاعنا (زهرة وانا وديدا)

بس موش هنسى ابدا لحظات زى لما واحدة فينا تغيب وتانى يوم نتقابل بالاحضان وزمايلنا يبصولنا باستغراب او على اساس اننا عبط

عمرى ماحنسى لما كنت مصدومة ف اصحابى وهى شغلتها الظروف عنى وبدات اقلق لتعمل زيهم (بس بينى وبين نفسى كنت عارفة انها مرحلة وهتعدى)وف يوم لقيتها بتلف ورايا زى الاطفال ولازقة ف ضهرى وهى اطول منى بتكلمنى فوق دماغى وهموت واضحك وماسكة نفسى عشان المفروض انى زعلانة -الموقف ده حصل قدام الناس ماكانش هاممها غير اننا نتصافى موش نتصالح عشان عمرنا ماتخاصمنا-

جايز غلسنا على بعض شوية علشان شغلنا كان مع بعض ومرتبط ببعضه لكن ماكناش بنزعل

حتى لما كنت بافكر أأجز مرات كتير بكتشف انها عايزة تأجز ف نفس الوقت

نظرات المدير وهو بياخد طلب الاجازة وشوية هيقولنا انتو بتستهبلو عشان تأجزو مع بعض-الحقيقة لو كان ف فرق بسيط بين اجزاتنا فعلا كنا بنحاول نظبطه الا لو واحدة عندها ظروف)

زمايلنا الصبح لما تكون غايبة ويقلولى فين قرينك يازواوى _الحقيقة الكلمة دى كانت بتخوفنى من القر جدا-

اعمل ايه ياوزيرى دلوقت اقسم المجموعات ف الشغل ازاى من غير مجموعتك

امر بالسخافات اليومية اللى انتى عارفها وحدى ازاى

اكلم مين الصبح وانا نازلة كل يوم

من يومين طلعت الدور التانى ولما عينى جات ع المكتبة دورت وشى بسرعة من خنقتى

هاعمل ايه لما العيال ييجو يسالو عنك حتى ولاد اخواتى بيقولوي صاحبتك العروسة هتيجى امتى مع انى ماقلتلهمش انك مسافرة

لما كانو بيسالوكي ع السفر كنت بتقولى ان شاء الله خير

واللى عايزه ربنا وسيدنا النبى حيكون(تانى جملة من الجمل المعتاده لزهره)

   كنتي بتدينى امل

دلوقت مضطرة اتعامل مع انى موش هستنى منك رنة كل يوم الصبح هروح موش هلاقيكى ف المكتبة عشان اغلس عليكى وموش هلاقى حد يعملى النسكافيه

مين هيصبرنى على ديدا وغلاستها

مين لما هيحس انى متضايقة من غير ما اتكلم ويرخم ع اللى خلفونى لغاية مايخلينى افك وما يسبنيش لغاية ما اضحك

بس بجد كفاية عليا

انى موش هلاقى حد ابقى منبهة عليه ستين تنبيه انى بكرة موش رايحة الشغل وبرضه يرن عليا ويقلق نومى يوم الاجازة ويقولى اصلى نسيت


  • 1

  • karakeep
    فلندع ذلك للكتابة
   نشر في 20 شتنبر 2015 .

التعليقات

Zhraa El Awal منذ 1 سنة
اكييييييد اختيار ربنا وسيدنا النبي عليه الصلاة والسلام خير بس ـ.................
وحشتيني قوي
0

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا