العتاب محبة - مقال كلاود
 إدعم  المنصة   
makalcloud
تسجيل الدخول

العتاب محبة

الأناني... تجنبه حق شرعي

  نشر في 11 أبريل 2019 .

" العتاب محبة "

انت بتعاتب عشان لسه جواك محبة 😍 لشخص ومتمسك باللي بينكم، بس هو دايما #العتاب_محبة ؟ هل كمان بيتقدر؟

لا...

مش كل الناس هتقدر الطيبة 😇 اللي جواك وتحترم الأصول اللي أنت لسه متمسك بها وخوفك ع العشرة وع اللي بينكم،

في ناس هتستغل للأسف وقت العتاب أسوأ استغلال👎:

⬅️ هيستغل إنك بتحبه... بتقدره... متمسك به... وإنك لسه باقي عليه،

⬅️ هيرحب بالخطوة اللي مشيتها ناحيته عشان يبدأ يقلب الطرابيزة عليك ومش هيديك فرصة تقول اللي أنت أصلا جاي تقوله... هيغلطك... هيقسي عليك ومش هيحترم حبك له ولا معزته اللي جواك،

⬅️ هيكرهك في اللحظة اللي فكرت تعاتبه وتصالحه فيها،

⬅️ مش هيختار كلامه ولا ينتقي ألفاظه،

⬅️ هيشوفك في موقف ضعف وهيستقوي عليك،

⬅️ هيطلع همه فيك واللي أنت أصلا مالكش علاقة به،

⬅️ هيجيب آخرك عشان تغلط ويبقي ماحدش أحسن من حد،

⬅️ هيقول لك هو أنا كده ولو عاجبك،

⬅️ ولو حب يوجعك أكتر هيعاملك بلامبالاة فظيعة عمرك ما كنت يوم تتوقعها منه.

عارف ليه🤔؟

لأنه #أناني ولأنك غلطان مشيت ورا قلبك الطيب:

Wenn du ein gutes Herz hast, hilfst du zu viel, liebst du zu viel und am Ende bist du derjenige der am meistens verletzt wird!

الشخص الأناني ده:

⬅️⬅️ هيجبرك تحترم رغباته حتي لو غلط،

⬅️ تصبر عليه حتي لو مش قادر،

⬅️ تسامحه ولو دي الغلطة رقم ألف،

⬅️⬅️ هيجبرك تكون available له طول الوقت حتي لو هو مش بيكون لك في أي وقت،

⬅️⬅️ تراعي مشاعره من غير مايشرح ولا يوضح أصلا إيه اللي جواه،

⬅️⬅️ تطبطب حتي لو أنت المجروح،

⬅️⬅️ تساعده حتي لو مش في إيدك...

ببساطة عشان هو شخص عنده مشاعر وأحاسيس وأنت بلاستيك عشان هو عنده مشاكل وظروف وأنت عندك كنافة بالمكسرات عشان هو بني آدم وأنت تمثال…. شخص أناني مش أكتر!

✅ #العتاب_محبة ده حقيقي بس للي يستاهلها ماهو مش أي حد تخللي له مكان مميز جوا قلبك❤ فوق كل حاجة حتي كرامتك وكأنه علي عرش قلبك،

❌ مش أي حد ينفع ألومه وأعاتبه وأتمسك به وأروح له لحد عنده،

❌ مش أي حد تقدسه وتقدره حتي أكتر من نفسك،

❌مش أي حد ينفع عشان خاطره تدوس علي كرامتك... تنهي طاقة صبرك... أو تيجي علي نفسك،

ليه🤔🤔؟

✅ عشان في بعض المواقف أنت لازم تبعد مش عشان الطرف التاني بالنسبة لك ولا حاجة لكن عشان أنت اللي بالنسبة له ولا حاجة عنده:

Manchmal muss man Menschen ziehen lassen, nicht weil sie dir egal sind, sondern du Ihnen!

✅ عشان النوعية الأنانية دي هتوجعك 😑 وتخلليك تكلم نفسك😥 وتعيد حساباتك🤔 وتطلعك غلطان😔 وتبقي بتجلد نفسك😫 بسببهم في اليوم ١٠٠ مرة.

أقول لك ليه كمان🤔🤔🤔؟

✅ عشان الأناني شخصية بتهدم مش بتبني، تنهي علي طاقة التسامح اللي جواك يوم بعد يوم وموقف ورا موقف، تخلليك ترجع ألف خطوة لورا 🔙 قبل ما تتمسك بشخص، ويمكن تحولك لإنسان بياع وأناني زيه مايعرفش يقدر الشخص الصح ولا يتمسك به.

والحل🤔؟

الريشة تكون فوق راسك مش راسهم، 🚫 بلاش تروح تلوم وتعاتب سيب الأيام تعرفهم قيمتك وتلف لفتها فيقفوا تاني أدامك بس المرة دي باصين في الأرض مش في السما،

سيبهم ييجوا يخبطوا علي بابك🚪بدل المرة ٢ و ٣ وفكر كتير قبل ما تفتح لهم مش بس بابك🚪 لا قلبك❤!

الأناني #تجنبه_حق_شرعي


  • 2

  • أميرة أحمد
    طالبة دكتوراة في تخصص اللغة الفرنسية وآدابها
   نشر في 11 أبريل 2019 .

التعليقات

شاعر النيل منذ 2 سنة
العتاب
اقرأى مقالى عتاب
جميل ما قلتى د . اميره
1
أميرة أحمد
اشكرك علي تعليقك وأكيد هقراه
تحياتي
شاعر النيل
يا صاحبة الهموم مشاعرى مُفضيه

فلستُ أملك غير ما أشتهى و أكتُب

لو أن الأمانى تسوق مطالبها موفّيه

لسردت للعشاقين أحلاما يملئ الكُتُب

ولعشت طوال عمرى عند أعتابهم مُطرِقْه

لكل العاشقين فردا و أجمعهم على السبب

أسوقُ بهيج أملى و أسْلُبهم كل مَحْزنَه

و أجعلها على أنقاضى و أنفض عنهم المُغَلَّب

و أُمْسى و أُصْبح بياض الثنىَ لهم مبسَّمه

وعن ءاذنهم رجيع انينهم اقوم عنهم فأُحجَّب

ياليت كلى ملكى على جميعهم فأجعله

أقساما بينهم وأحلم لهم بكل ما يطلبه القلب
Manchmal muss man Menschen ziehen lassen, nicht weil sie dir egal sind, sondern du Ihne
أي لغة هذه . و ما المعنى ؟
سيبهم ييجوا يخبطوا علي بابك
1
أميرة أحمد
ألمانية، واقصد في بعض الأحيان بيكون علينا نبعد عن ناس مش لانهم بالنسبة لنا ولا حاجة لكن لأننا بالنسبة لهم ولا حاجة. بيرجعوا بسبب ندم علي قرار خاطئ... أو عدم قدرة ع المواصلة بدونك... عرفوا أخيرا قيمة وجودك في دايرتهم أو لمصلحة جديدة. تحياتي

لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا