٣٠ يوم تحدي..٣٠ يوم انجاز .. ٣٠ يوم سعادة - مقال كلاود
 إدعم  المنصة   
makalcloud
تسجيل الدخول

٣٠ يوم تحدي..٣٠ يوم انجاز .. ٣٠ يوم سعادة

  نشر في 01 مارس 2020 .

مع بداية شهر جديد.. ابدأ بداية جديدة.. ابدأ بداية سعيدة و سيب الأحزان علي جنب ..اتحدي نفسك و جرب مش هتخسر

١- اكتب رسالة حب لنفسك

وسط زحمة وضغط الحياة بننسي نفسنا و ممكن نعطي الحب لكل اللي حوالينا لكن ممكن نعامل نفسنا بنوع من القسوة و جلد الذات و نشوف نفسنا مقصرين في كل حاجة.

انظر لنفسك نظرة تانية نظرة جديدة و هات ورقه و قلم و اكتب رسالة حب لنفسك اكتب كل حاجة حلوه انت شايفها في نفسك اكتبها كأن حد بعتها لك دلل نفسك فأنت تستحق التدليل😊.. و بعد ما تخلص اقراها تاني هتشعر بفرحة غامرة و احتفظ بها كل ما تحتاجها اقراها تاني.

٢- احفظ سورة أثرت فيك من القرآن الكريم

فاكر السورة اللي سمعتها مرة و صوت الشيخ اللي بيقرأها حسسك أن الآيات دخلت قلبك وكأن الآيات دي ربنا بعتهالك ..هات السورة وابدأ واحفظها و شغلها طول الشهر دي بإذن الله هتكون حفظتها علي نهاية الشهر

٣- اشرب كوبين من الماء مع كل آذان.


٤- اصنع حاجة بإيدك.

اعمل أي حاجه بسيطه ادخل علي جوجل أو يوتيوب و اكتب أصنعها بنفسك أو DIY هتلاقي أفكار لحاجات كتير ممكن تجرب منها حاجة.

٥- اقرا كتاب

اقرا كتاب جذبك اسمه قبل كده أو في مجال نفسك تعرف عنه.

٦- احفظ قصيدة

أبيات قرأتها أو سمعتها مرة و عجبتك أو درستها و انت صغير و نسيتها استرجعها تاني ..أو مثلاً قصيدة صوت صفير البلبل😄.

٧- رتب المكان اللي انت قاعد فيه

رتب سريرك ..رتب ملابسك ..رتب مكتبك و الحاجة اللي ممكن تستغني عنها بيعها أو اتبرع بيها...ممكن تقرأ كتاب ماري كوندي (سحر الترتيب) هيساعدك ويعطيك أفكار عن الترتيب.

٨- قلل من وجودك علي مواقع التواصل الاجتماعي

جرب ٣ ايام من غير ما تدخل علي مواقع التواصل الاجتماعي و لو دخلت متزودش عن ساعة مهما كانت المغريات.

٩- قلل من مشاهدة التليفزيون

ساعة كافيه في اليوم أو بدون مشاهدة يكون أحسن.

١٠- اشتري هدية لمامتك و بابك و اخرج معاهم

هما أكيد اهدوك كتير ..اهدوك عمرهم كله ..فشوف أي حاجة كانوا محتاجنها واشتريها لهم و يا ريت هدية شخصية لهم..مش كل أفراد البيت بيستخدمها

و كمان ياريت تخرج معاهم بره البيت و تفسحهم في الأماكن اللي انت ممكن خرجت فيها انت واصحابك و يمكن هما عمرهم ما شافوها.

و لو كان أحدهم غاب عنك فاترحم عليهم و علي أحلي أيام كانت  في وجوده... و اهديه صدقه جاريه و دعوة صادقه.

١١- زور قرايبك أو كلمهم في التليفون


١٢- اعمل كيكة أو مربي 

البيتاللي بيعمل الحاجات بيت أصيل

١٣- ازرع

ازرع وردة أو ازرع بقدونيس أو جرجير أو حتي اعمل زي ما كنت صغير وهات قطن و بله بميه وازع عليه فول و شوفه وهو بيكبر.

١٤- دوِّن

دوِّن أفكارك .. يومياتك ..أي جملة عجبتك أو أثرت فيك

١٥- أطبع صورك اللي عجبتك

و اعمل ألبوم لصورك اللي بتفكرك بذكرياتك الجميلة ما تسبهاش متخزنه بس علي الكمبيوتر أو التليفون.

١٦- اسمع podcast أو شوف محاضرات علي TED

هتقدر تشوف منها تجارب الآخرين اللي ممكن ظروفهم كانت زي ظروفك و قدروا يتغلبوا عليها.

١٧- عدد نعم ربنا عليك

هات ورقه واكتب اللي هتقدر تكتبه و احمد ربنا علي كل شئ في حياتك.

١٨- اعمل وجبات طعام و وزعها علي المحتاجين


١٩- غير في طريقة لبسك و الألوان اللي متعود تلبسها.

٢٠- اشتري حاجة جديدة في البيت

صورة ..مفرش..سجادة...

٢١- اتحرك و امشي

امشي للشغل أو للسوق أو أي مكان.. قلل من استخدام المواصلات.

٢٢- اتنفس بعمق في الهواء الطلق

أملي بطنك جامد بالهواء و كأنك بتنفخ بالونه ثم فرغ الهواء بالتدريج مع كل زفير.

٢٣- هات كتاب في رسومات زي بتوع الأطفال ولونه أورسومات مانديلا و لونها.


٢٤- اعمل روتين يومي و اسبوعي للعناية بالبشرة و الشعر.


٢٥-البس لبس نظيف و مغسول ومكوي كل يوم و انت رايح الشغل أو الجامعة أو المدرسه.


٢٦- استغفر كتير و صلِّ علي النبي كتير 

و انت رايح الشغل أو في المواصلات عود لسانك علي الذكر.

٢٧- حاول تأكل أكل ملون و مطبوخ في البيت

و ابعد عن الأكل المُصَّنع و عن المشروبات الغازية


٢٨- ابعت رسالة شكر وحب و عرفان لخمس أشخاص في حياتك

اشكرهم علي وجودهم في حياتك وان معرفتك بيهم أضاف لك كتير.

٢٩- اسيقظ مع الفجر

وابدأ يومك بأشياء بسيطة تشعرك بالإنجاز

٣٠- ابتسم

تبسمك في وجه اخيك صدقه.


  • 1

   نشر في 01 مارس 2020 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا