Slumdog milionaire - مقال كلاود
 إدعم  المنصة   
makalcloud
تسجيل الدخول

Slumdog milionaire

إن الله يحب الصابرين... ألا تكفيك محبته؟

  نشر في 06 شتنبر 2018 .


مؤمنة جدا ان كل الناس وبلا استثناء هتمر عليها أحداث مبهمة من شأنها تعيش أحاسيس معينة وانت مش فاهم إيه الحكمة من كده ولا ليه بيحصل معايا كده🤔 هتمر عليك كل الأحاسيس وعكسها.

بمعني!

⬅️ انك هتعيش الفرح😁 والسعادة وهتعيش برضو الحزن☹ والتعاسة ...

⬅️ انك هتنجح👍 وهتفشل 👎...

⬅️ انك هتقع وترجع تقف من تاني علي رجليك ...

⬅️ انك هتتخان وهتعرف معني الوفاء.

في فيلم اسمه Slumdog milionaire

فيلم أكتر من رائع وحقيقي قصته ثرية جدا وبتأكد بشكلإانساني المعني اللي بحاول أشير اليه من البوست: الصبر ع الابتلاء عبادة، والله يحب الصابرين.

بطل الفيلم اسمه جمال مالك اتربي يتيم مع أخوه سليم في فقر شديد وظروف صعبة جدا، يعني يتم وفقر ووحدة.

الفيلم مدته ساعتين وبيبدأ بالطفلين🙎‍♂️🙎‍♂️ جمال وسليم والمصايب اللي حصلت لهم في فترة طفولتهم وجعلتها صعبة وقاسية جدا عليهم.

بداية الفيلم جعلت صبغته مأساوية شوية وخاصة بسبب التفرق اللي حصل بين الأخين في سن مبكرة.

الفارق الدرامي بيحصل لما بيشارك جمال في برنامج المسابقات الأشهر من سيصبح مليونير💸💷💶 وبيجاوب علي كل الأسئلة صح✔✔ وبيوصل للسؤال الأخير وقيمته ٢٠ مليون روبية😲

هنا بيتصل بحبيبته💏 مش عشان تساعده لكن عشان يتطمن عليها ويعرف لو كانت في أمان، وبيجاوب ع السؤال وبرضو صح.

كل سؤال أتوجه لجمال كان مرتبط بحدث مر في حياته به، واتعلم منه أكتر ما يمكن انسان يتعلم في المدرسة لا وكمان حفظه ومش ناسي إجابته. كل الأسئلة كانت مرتبطة بمآسي عاشها وشافها واتذل فيها، بس هو كمل وصبر!

جمال لما رجع بيته كانت الشرطة بتنتظره واعتقلوه وعذبوه وعرضوا عليه فيديوهات الأسئلة واجاباتها. عرض الفيديوهات كان مصحوب Flash back للأحداث اللي جمال مر بها ومن خلالها عرف الإجابات، ذي مثلا من الرئيس الأمريكي اللي صورته علي ورقة ال ١٠٠ دولار💵؟

كل الأحداث اللي هتمر في حياتك حلوة👍 أو وحشة👎 سعيدة😁 أو حزينة😔 صعبة أو سهلة كئيبة😢 أو مفرحة😄 تعبتك أو فرحتك لازم تكون علمت فيك ولازم تتعلم منها حاجة.

حياتنا فيلم طويل شوية هتعيش من خلاله كل الأحاسيس والمشاعر أيا كانت المسميات... هتعيشها👍

في النهاية هييجي يوم وتعرف الحكمة من الحدث اللي حصل ومن الأزمة اللي مريت بها أو المرض اللي أصابك أو الحزن اللي كسرك أو الخيانة اللي وجعتك😵 أوالحرمان اللي أبكاك😭.

⬅️ كل اللي هتمر به هو أساس بيضرب في بنيانك وبيقويك وبتبني عليه شخصيتك بكل ما فيها من خبرات وشهادات وعلاقات ونجاحات أو حتي عثرات يعني كل جوانب شخصيتك.

⬅️ انت مبني عالي وكبير ما ينفعش 🏣 يكون اتبني من علي وش الأرض أي هزة تهدمه ويبقي كوم تراب،

⬅️ انت كيان عشان يكمل قوي وصلب💪 لازم أساساته تكون شديدة👌،

⬅️ انت بكل أزماتك ومشاكلك بتكبر وبتتعلم،

⬅️ الأحاسيس الصعبة😔 اللي بتعيشها دلوقتي مش هتستمر مدي الحياة هتخلص وهتعدي وهتكون اتعلمت وقويت👍.

✔ يمكن تخسر حاجة بس هتتعلم اذاي المرة الجاية تكسبها...

✔ يمكن تفشل في أول محاولة بس تاني محاولة هتكون اتعلمت تنجح✌...

✔ يمكن تقع وانت بتجري🏃‍♂️ ورا هدفك بس لو وقفت تاني وصممت تكمل عينك👀 هتتتعرف علي المطبات وتتفاداها...

✔ يمكن تخسر ☹مجهود سنين وتعب بس تكسب رزق تاني في مكان أفضل...

في #وجهة_نظري المتواضعة الصبر أفضل علاج وقت المحنة ووقت ما هتنكتشف حكمة ربنا من محنتك ومن عثراتك هتشكره انه ألهمك الصبر.

" والله يحب الصابرين.. ألا تكفيك محبته؟"

https://youtu.be/znj0_mrJaNg



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 06 شتنبر 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا