علمتني ألمانيا - مقال كلاود
 إدعم  المنصة   
makalcloud
تسجيل الدخول

علمتني ألمانيا

  نشر في 23 نونبر 2018 .


في الرحلة الطويلة واللي لسه أيامها هتطول بعترف ✋ إن ألمانيا 🇩🇪 علمتني كتير...

⬅️ علمتني إن الكداب عمره ماهيتوب وإنه نساي وبيحفل ويحور وينسي كدبته بدأت اذاي 🤔 وأحيانا مش بيعرف يختمها صح؛ و انه لابد من يوم تتكشف فيه كدبته...

⬅️ علمتني إن الإنسان مش بشهادته 👨‍🎓 وتعليمه ووظيفته👨‍💻 ده ياما ألقاب بتكتب قبل اسم أحقر الناس...

⬅️ علمتني إنه مش من القلب ↔️ للقلب رسول وإن اللي جواهم ليا 🤬 مش شبه اللي جوا قلبي لهم😇...

⬅️ علمتني إن مش " يا بخت اللي يبات مظلوم " وإن لو لك حق لازم 👌تاخده وإن اللي ظلمك لازم يتعلم الدرس فمايظلمش حد تاني ...

⬅️ علمتني إن القافلة مش هتسير في هدوء طول ما الكلاب 🐕🐕 بتنبح، أنا أركن قافلتي وأنزل أخرسهم وأرجع أكمل طريقي...

⬅️ علمتني إن الغلطان مش بيبطل كلام 😤 ولا تأليف قصص وأفلام، وحقيقي اتأكدت من المثل اللي بيقول: ضربني وبكي وسبقني واشتكي...

⬅️ علمتني إن السكوت 🤐 مش من ذهب في كل الأحوال لكنه فضل علي السفهاء...

⬅️ علمتني أعمل الصح✔ وأكمل مهما كانت الافتراءات وإن الحقائق هتنكشف في الوقت اللي ربنا شايفه مناسب👌، وفجأة هلاقي الاعتذارات بتتوالي...

⬅️ علمتني إن الاعتذار اللي مش في وقته غير مقبول🚫...

⬅️ علمتني إن قرار غلط ❌ في سن مبكرة ماينفعش أندم عليه 😞 لكن أتعلم منه وأصححه بسرعة حتي لو علي حسابات كتير...

⬅️ علمتني اكون ثابتة عايشة بوش واحد ☝️وبرأي واحد☝️ ومبدأ واحد☝️...

⬅️ علمتني أن اللي يصغر مني بيكبر من نفسه لأنه ببساطة مريض ياحرام...

⬅️ علمتني إن الوعد عهد وإن مافيش حاجة اسمها كلام رجالة، لكن إذا وعدت لازم أوفي...

⬅️ علمتني إن اللي بيتكلم عني في ضهري أصغر من كلامه وأتفه من إني أرد وأهتم، أنا أعاتب وألوم بس اللي يكون قادر علي مواجهتي...

⬅️ علمتني إن سلامة القلب ❤ وصحوة الضمير أهم من المال والشهادات...

⬅️ علمتني إن أحقر الناس اللي يستغني عنك بعد ما يستكفي منك، أحقر الناس اللي يستغل ضمان وجودك في حياته، أحقر الناس اللي يظلمك وهو عارف ومتأكد إنه ظالم ويكمل عشان يضغط ويقضي عليك...

⬅️ علمتني مازعلش 😞 من قلة أصل ناس كتير اتعاملت معاهم برجولة هما شخصيا مايعرفوهاش...

⬅️ علمتني إن كل إناء بما فيه ينضح، أنا مش المفروض أزعل من ترعة مايتها مش صالحة للشرب😉...

⬅️⬅️ ألمانيا 🇩🇪 واللي شوفته في ألمانيا 🇩🇪 واللي عاشرتهم في ألمانيا 🇩🇪 علموني كتير بس أكتر شئ اتعلمته يعتبر مكسبي في الحياة وهو إني أبقي ذي ما أنا لا متلونة ولا متلوثة!



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 23 نونبر 2018 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا