معاناة الطالب المصري - مقال كلاود
 إدعم  المنصة   
makalcloud
تسجيل الدخول

معاناة الطالب المصري

  نشر في 19 فبراير 2015 .

زي اي طالب مصري في مرحلة التعليم في مصر يمر بثلاث مراحل ، من وجهة نظر اهله و المجتمع المصري كله ان الثلاث مراحل دول ما هما إلا تحضير للكلية ، هي مراحل بنهيئك بيها عشان تجيب مجموع عالي في الثانوية العامة ، و تدخل كلية من كليات القمة .. طيب السؤال هنا ... ايه هيا كليات القمة دي ؟؟

 نرد نقولك يا سيدي كليات القمة دي الكليات اللي مجموعها عالب اوووي مش اي حد يجيبه .. معني كده ان الناس اللي بتجيب مجموع كليات القمة دول ناس اذكيا اووى ؟؟ 

ارد اقولك مش دايما .. مش دايما !!! طيب ازاي ؟؟!  .. يا سيدي الطالب المصري إنسان دحيح و خلي بالك في فرق كبير اوي بين دحيح و ذكي .. دحيح يعني بيحفظ أكتر ما بيفهم .. طيب ازاي المدرسين يسيبوا الطالب يحفظ أكتر ما يفهم ؟؟ .. لا ما هما مش بيسبوه إلا لما يحفظ أكتر ما يفهم :D !!

كتير مننا في ثانوية عامة لما كان يبقي مش فاهم حاجة المدرس يقوله " احفظها كده زي ما هيا " وبالتالي الطالب المصري يحفظها و يدخل الامتحان يكتبها زي ما هو حفظها كده من غير ما يفهمها و بالتالي يجيب مجموع عالي و يدخل كلية من كليات القمة .. و هنا نأخد بالنا من حاجة مهمة اووي ان اصلا في طلاب بيبقوا فاهمين الحاجة كويس اوي بس مش حفظها بالنص زي ما هيا مكتوبة في كتاب الوزارة فيدخل الامتحان يكتبها زي ما هو فاهمها و في نوع ممكن ينسي الكلام بالنص بس برضة فاهم فيشرحها بأسلوبه زي ما هو فاهمها ، يجيي بقي المصحح اللي بيصحح الامتحان يعملها غلط !! طيب ليه يا  استاذ !!؟ 

يا سيدي ما اهو اصلا المصحح ده معاه نموذج للاجابة لو انت مش كاتب الاجابة زي ما هيا في النموذج تبقي غلط وده يرجع لكونه إنسان عادل و ماشي زي ما النموذج بيقول ، و كمان الراجل ده معذور ما هو بيلاقي طلاب كتبين الاجبة دي و بالنص وده بيثبتله اكتر انه انسان عادل و حقاني ,, و ده اول احتمال بيوجهك عند التصحيح 

الاحتمال التاني بقي انه اصلا يبقي بيصحح مادة هو مش بيدراسها يعني من الاخر هو مش فاهم فيها حاجة !! الراجل معذور ف دي بنحمله اكتر من طاقته ..

ومن القصص اللي كنا بنسمعها من مدرسين ثانوية عامة انه ممكن يكون المصحح مضايق فيطلعه في ورقتك او مثلا تعب من ضغط الشغل فما بقاش شايف اصلا الورقة اللي قدامه او مثلا سيادتك خطك وحش فيعقبك علي كده !! .. و لو انت من المحظوظين اللي ورقته اتعرضت لحاجة من الحاجات دي و قررت تعمل تظلم و تروح تصحح ورقتك فتلاقي مثلا انك غلطان في فقرة من سؤال فخدت في السؤال كده صفر ، او و انت بترجع اكتشفت انك حليت حاجة غلط فشطبت عليها و عدت السؤال في اخر صفحة اللي هو مابصش عليها اصلا :D !! يا سيدي كل دي شكليات ما تركزش :D 

ومن ضمن نصايح مدرسين ثانوية عامة ليك انك "ماتسبش سؤال فاضي المصحح هيديك عليه اي درجة " لحد دلوقتي مش فاهمة النظرية دى بحس ان المدرس بكده بيمرنك ازاي تكون إنسان بتفتي في حياتك :D 

ويجيي يوم النتيجة نلاقي ناس جايبة درجات عالية جدا ماشاء الله و يفرح بقي و اهله يفرحوا الامهات يتجمعوا و كل ام تحكي عن ابنها الدحيح  اللي مكنش بيقوم من علي الكتاب .. و انا مقصدش اقلل منه هو فعلا دحيح و مكنش بيقوم من علي الكتاب و يستهل المجموع ده .. 

ونلاقي ناس تانية ماجبتش مجموع عالي مع انه انسان ذكي وكل اللي حواليه بيشهد بكده .. 

ونوصل بقي لاهم يوم في تاريخ الطالب المصري .. يوم التنسيق .. وكل طالب بيكتب رغباته ( هو الصراحة انت مش بتبقي بتكتب رغباتك انت .. انت بكتب رغبات اهلك و حلم كل ام انها تشوف ابنها دكتور او مهندس :D ) ومن هنا هنقابل نوعين من الناس ..

النوع الاول : هو صاحب المجموع العالي لو سيادتك علمي علوم تبقي طب طبعا من غير تفكير حتي لو مش عاوزاها ، و لو علمي رياضة طبعا طبعا هندسة ، و لو أدبي يبقي إعلام او اقتصاد و علوم سياسية .. و كل ده حتي لو انت مش حابب الكليات دي بس مش مهم انت عاوز ايه المهم مجموعك يجبلك كلية ايه ؟؟  ..

ومن هنا يبقي عندنا دكتور فاشل مش عشان هو كإنسان في حد ذاته فاشل .. لا عشان هو مش حابب مجال الطب لو كنا حطناه في المجال اللي هو حابه و شاطر فيه كان زمانه ناجح جدا .. و برضة عندنا مهندس فاشل .... إلخ 

و النوع التاني : هو الانسان الذكي صاحب المجموع القليل او المتوسط .. ده ادامه حالين اما انه يدخل كلية خاصة و اهله يدفعوا اد كده كل سنة ، او انه يدخل كليات اللي في مصر بنقول عليها اي كلام زي حقوق و اداب ( ملحوظة هنا كلية الحقوق في مصر من اقل الكليات مع ان في اروبا من اعلي الكليات و هي مهنة تحترم جدا .. معلش ملناش دعوة بالناس دي دول متخلفين يا عم ) 

الفكرة ان هنلاقي 70% من الطلاب فاشل في شغله بعد التخرج و بيعمل حاجة مش بيحبها و 30% بس هما اللي عملوا اللي بيحبوه .. و ال70% دول طول حياتهم في الجامعة كرهين نفسهم و حاسين بالفشل و انه اقل من اللي حواليه مع ان الغلط انه في المكان الغلط لو كان اتحط في المكان الصح مكنش بقي كده !! 

أعمل اللي بتحبه حتي لو كل الناس ضدك و شايفة انك غلط و متسمعش كلام حد غير نفسك حتي لو اهلك هما اه يهمهم مصلحتك بس انت ربنا خلقك عشان تحقق حلمك انت مش حلم حد تاني مع كامل احترام للاهالي .. 

اسمع نصيحة واحدة لبست في كلية مش بتحبها عشان مجموعها وداها هناك و بقيت بتلعن الكلية باللي



   نشر في 19 فبراير 2015 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم













عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا