بلاش تعمل الحاجات دى على الفيس بوك - مقال كلاود
 إدعم  المنصة   
makalcloud
تسجيل الدخول

بلاش تعمل الحاجات دى على الفيس بوك

  نشر في 15 مارس 2016 .

عشان الفيس بوك يبقي أحسن بلاش تعمل الحاجات دى : 

_ الكومنتات اللى تحت أى بوست يفضل أنها تكون بتتكلم عن موضوع البوست نفسه ، فبلاش تكتب فى الكومنتات حاجه ملهاش علاقة بالبوست الأصلي زى " لو عايز تعرف مين زار بروفايلك ادخل على اللينك دا " أو تكتب شعر جه على بال حضرتك وانت بتلبى نداء الطبيعه وحسيت أنه هيدغدغ أحاسيس الناس ، صاحب البوست من حقه يمتلك البوست بكومنتاته ، مش لازم تشاركه فيها، وممكن على فكرة تعمل لنفسك بوست خاص ومش هيكلفك حاجه والله .


_ بلاش تعمل لايك لنفسك على البوست بتاعك ، ملهاش معني .. يعنى أنت مثلا بعد ما كتبت البوست اندهشت من حلاوته وقلت الله عليك يا واد يا مجدى والله تستاهل لايك .. حقيقي موضوع مش لطيف .


_ متبعتش لأصحابك كل شوية دعوة لكاندى كراش ولا سيجا ولا أى لعبة هما مش بيلعبوها .. مش عشان سيادتك تعدى مرحلة فى لعبة تقرف خمسوميت واحد حضرتك .. العب على جنب أرجوك .


_ متنشرش أخبار فيها معلومات أنت مش متأكد من صحتها .. الكذب والشائعات نسبتها 95 فى الميه من إجمالى البوستات المتداولة على الفيس بوك ، خلى الهجايص تقف عندك متعديش .


_ بالنسبة للبنات والستات .. أنتوا بتجيبوا منين البوستات اللى بتلقحوا بيها على الناس اللى عملت معاكم مواقف معينة .. بوستات متفصلة عن الخيانة وقلة الأصل والطفاسة وتقل الدم والأكل اللى فيه حبهان زيادة وعن اللى بتحبك وهى من جواها بتحبك وفى واحدة جمبها مش بتحبك ، فككوا من الهرى دا ونضفوا قلوبكوا من جوا شوية .. مش كدا ؟


_ أنشر بوستات من اللى بتنشر البهجة والتفاؤل ، بلاش بوستات تجيب مغص فى البطن زى بتاعة " أوقسيم بالله جهازك هينفجر فى وش أمك لو معملتش لايك وكتبت الله أكبر " أو البوست بتاع " أكتب رقم 2 وهيطلعلك اسم حبيبتك " أنت أعقل من كدا وعارف أن الناس اللى بتصدق الكلام دا أنقرضوا بعد الفيس بوك ما بدأ بسنتين تلاتة بالكتير .


_ بلاش تخلى الستاتس بتاعتك وسيلة تعذيب لأصدقائك بأنك تعرفنا حاجات تافهة بس أنت مصر أنها تهمنا جدا ولازم نعرفها .. أنا باكل دلوقتى .. أنا رايح الجيم .. أنا داخلة أنام .. أنا بعمل بي بي .. أنا زهقانة .. أو يبقي العذاب بطريقة الستاتس العميق الغامض أووووف .. منك لله .. يوما ما سأنتقم .. باقى 12 يوم !! . 


لو عايز تشارك بنقطة إضافية أهلا بيك فى الكومنتات .



   نشر في 15 مارس 2016 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا