حكايات الحب وأحلامي - مقال كلاود
 إدعم  المنصة   
makalcloud
تسجيل الدخول

حكايات الحب وأحلامي

  نشر في 01 فبراير 2019 .


مش أغنية🎤 لكن قصص بشوفها أو أعيشها من فترة للتانية وكتير بتبهت علي أحلامي بألوان مش لطيفة. غالبا نهايات #حكايات_الحب هي المحور الرئيسي في القصة لأن البدايات دايما جميلة ووردية اللون.

لو مابتعرفوش تحبوا امتنعوا 🚫 لأن كسر القلوب علاجه صعب، لو كداب بطبعك أو قاسي أو عندك أي مشكلة مع ضميرك ياريت تمتنع 🚫، أنت مش هتخسر كتير ويمكن ماتخسرش حاجة أصلا لكن في طرف تاني بيخسر وقت وقلب وثقة ومشاعر إنسانية ماتتعوضش😞 ناهيك عن إنه بيخسر حلم كان فاكره هيكمل😕. الوجع اللي بيدخل فجأة قلب حد فرحان وطاير في السما البمبي والقسوة اللي بتحولك من قريب أوي لغريب أوي قادرين يقضوا علي انسان في وقت صغير. الدموع😭 اللي بتهون عليك وتخون صاحبها وسط ألف انسان بتخرب كل شبر جواه وتشوه كل حلو عنده.

بالصدفة البحتة لأن الجو صعب جدا 🌨🌫❄وفي حادث ع الطريق بسبب الثلج قررت اركب المترو🚋 عشان أوصل بسرعة الشغل، في المحطة قابلت بنت تركية🇹🇳 كنت اتعرفت عليها من ضمن مجموعة شباب ييدرسوا في جامعة Dortmund. لفت نظري انها مطفية شويتين وعيونها دمعت😢 لما شافتني، فهمت إن في كلام محبوس🤐 جواها وقلت لها لازم نتكلم خللينا نتقابل.

وحصل واتقابلنا وحكت لي من أول ٥ دقايق وبدون إلحاح إنها لما شافتني افتكرت😊 ذكريات حلوة عاشتها مع اللي كان خطيبها عندي لما كانوا معزومين ع الغدا.

استغربت😮 ليه كان؟ قالت لي لأنها فسخت الخطوبة وقررت مش تكمل معاه 😲 ليه🤔؟

لأنه ببساطة كان مابيدينيش الحاجة في وقتها، استغربت😯 تاني، قالت لي بلاش تستضغري الموضوع يا أميرة ارجوكي 🙏. حقيقي انا مش كنت مستصغراه لكن مستغربة تصرفه في أكتر وقت الإنسان بيحاول فيه يدي كل شئ حلو للطرف الآخر: في الخطوبة، بس أفهم التفاصيل وبعدين نتناقش...

هو كان بيسأل بس بحساب، يتصل بس لما يكون فاضي، يتطمن عليا بس لما استرد صحتي، يخرج معايا لما يكون عنده وقت. أنا: كل التفاصيل دي بتدور في محور "وقته" لكن لازم يفهم ان في حاجة مهمة ممكن تنقذ علاقتكم: اسمها " ثقافة الوقت "

في قاموس العلاقات الاحتماعية موجودة الكلمة، واحنا بنحتاج الاهتمام والحب والسؤال كحق مش تفضل، ومهم اوي يكونوا في وقتهم👌 مش متأخر ومش بعدين ومش لما يكون عندك وقت ومش لما تعوز.

⬅️ في #وجهة_نظري أنت لو جبت لي أغلي هدية🎁 في عيد ميلادي متأخرة هتكون مالهاش معني ولا طعم مش هتفرحني...

⬅️ لما تسألني عن امتحاناتي بعدها باسبوعين مش هتحسسني باهتماماك لأنه مالوش معني السؤال دلوقتي خلاص...

⬅️لما تيجي تطبطب عليا عشان كنت زعلانة😔 مش هتهون وجعي لأنه عدي...

⬅️ لما تطمن عليا بعد ما أخف من تعبي مش هيوصلني اهتمامك لاني وقفت تاني علي رجلي...

⬅️ لما تقولي كان شكلك متضايقة😡 قلت اسيبك لما تروقي مش هشوفك أكتر انسان ذوق في الدنيا...

⬅️ ⬅️ لما ماتدنيش اي حاجة في وقتها 👌مش هحسها⛔ مش هتوصلني⛔ مش هتقنعني⛔ ومش هتلزمني⛔ أحيانا انت مش بتكون محتاج من انسان حنيته أو طيبته انت بتحتاج أضعف الإيمان وجوده:

Just be here with me!

Stay! No matter how hard it is be with me, just stay!

في واحدة كانت زعلانة أوي من جوزها وحاولت تتكلم معاه وتوصله موقفها احتد عليها وقسي قلبه علي دموعها ونصب لها محكمة من غير دفاع وحكم ونفذ، فضلت تهدي من نفسها مش قدرت حاولت تنام مش عرفت قطعت الأكل والشرب وزهدت الحياة والشغل وبدأت تنهار وكانت بتصلي طول الليل وهي بتعيط وتدعي ربنا يهدي قلبها عشان كمية القهر اللي جواها هتموتها، كان يمر من جنب سجادة الصلاة يشرب ويرجع ينام.

بس لاحظت علي النقيض منها إنه بيأكل ويشرب ويتفرج علي التليفزيون📺 ويسهر ويخرج ويضحك😄 عاااادي

طبطبت هي علي نفسها، هونت الموقف وكأنه ماحصلش أصلا، رجعت شغلها وبدأت بالتدريج تستطعم الحياة من تاني قويت علي ضعفها من تاني بمعني أصح، بس لما قرر يصالحها كان بيلمس زجاج مشرخ صعب يكون بنفس ملمسه اللي اتعود عليه وكانت النهاية بينهم🔚.

في القصتين في طرف كان غلطان لأنه ماحاولش يصالح ويطبطب ويلملم مشاعر بتاذي كل اللي جوا الطرف الآخر في وقتها وسابها لوحدها في وقت هي فيه أضعف من إنها تعرف تعديه من غيره.

الخطوة اللي قربت بطل القصة رقم ٢ منها في النهاية كانت أمنيتها من الدنيا كلها في وقت معين بس هو اتاخر .

احنا بنحتاج لمشاعر وأحاسيس في لحظة معينة مش قبلها ومش بعدها، إنك تتاخر عن وقت احتياجنا ومش تكون موجود في الوقت المناسب حتي لو رجعت بأحاسيس حلوة ومشاعر جميلة مش هنعوزها ومش هنحسها ومش هنلاقي لها معني ولا مناسبة، حاجة كده لا طعم ولا أهمية ببساطة لأنها مش في وقتها.

🚫 ماينفعش تعيد عليا بعد العيد بشهر...

🚫 ماينفعش تطبطب بعد ما نسيت...

🚫 ماينفعش تصالح بعد ما قويت...

🚫 ماينفعش تسأل بعد ما خفيت...

الإحساس والحب والاهتمام والحضن والطبطبة والسؤال لو مش في وقتهم بيفقدوا قيمتهم اللي كانت في وقت ما إكسير حياة.

" #حكايات_الحب وأحلامي "



  • أميرة أحمد
    طالبة دكتوراة في تخصص اللغة الفرنسية وآدابها
   نشر في 01 فبراير 2019 .

التعليقات


لطرح إستفساراتكم و إقتراحاتكم و متابعة الجديد ... !

مقالات شيقة ننصح بقراءتها !



مقالات مرتبطة بنفس القسم

















عدم إظهارها مجدداً

منصة مقال كلاود هي المكان الأفضل لكتابة مقالات في مختلف المجالات بطريقة جديدة كليا و بالمجان.

 الإحصائيات

تخول منصة مقال كلاود للكاتب الحصول على جميع الإحصائيات المتعلقة بمقاله بالإضافة إلى مصادر الزيارات .

 الكتاب

تخول لك المنصة تنقيح أفكارك و تطويرأسلوبك من خلال مناقشة كتاباتك مع أفضل الكُتاب و تقييم مقالك.

 بيئة العمل

يمكنك كتابة مقالك من مختلف الأجهزة سواء المحمولة أو المكتبية من خلال محرر المنصة

   

مسجل

إذا كنت مسجل يمكنك الدخول من هنا

غير مسجل

يمكنك البدء بكتابة مقالك الأول

لتبق مطلعا على الجديد تابعنا